SIB TAWG YOG KEV TUAG
KHAAV THEEB YOG KEV PUAM TSUAJ

Tug tsuv teeb hom phaj tum peb tug nyuj ib tug zuj zug kom taag.

Tsuv tum tug ib, tug ob tsi paab. Tsuv tum tug ob los tug peb tsi paab. Thaum kawg peb tug tuag taag nrho.

Txuj kev khaav theeb es sib tawg yog kev tuag. Thaum twg koj qhuas koj kuv khaav kuv es tsim kev sib tawg tes suav dlawg yuav tsum raug puam tsuaj thaum ntawd.

"Kev hum xeeb txhad yog kev thaaj yeeb." "Kev sib xob sib thuam tes yog kev puam tsuaj." “ Kev sib caav sib tshe yog kev caj luas tauj ua luas qhev.”

NTAAJ IB NAAB NEEV IB HLUAS

Tug yeeb ncuab yuav luj yuav heev npaum twg los yog thooj sab koom ntsws ua ntaaj ib naab neev ib hluas, muab nrob qaum lug sib npuab tig rag phom tiv thaiv tug yeeb ncuab, peb yuav dlim txuj kev tuag hab peb yuav dlhau txuj kev puam tsuaj.

Thooj sab koom ntsws ua hauj lwm ua ke le ib tug, peb yuav tau txais lub meej mom kev muaj yeej nyob thaaj yeeb lug. Ua ntaaj ib naab neev ib hluas ua hauj lwm ua ke le ib leeg, peb yuav tau txais lub meej mom kev ywj pheej nyob vaam meej .