QOB ZOG UA IB TEG TSWJ, QAWS ZOG UA IB TEG TUAV

Nyob ua ib txoog ib qais txhad caj taug vaaj ntxwv huab tais.

Leej twg coj ncaaj tug ntawd txhad sawv ua taug vaaj; leej twg coj nceeg tug ntawd txhad tswj tau haiv neeg. Sib hlub sib paab kom muaj kev thaaj yeeb kev txim lij nplaj teb qaab ntuj txhad pub kwv tug chij.

Fwm ntuj txhad tau ntuj ntoo, fwm nam fwm txiv txhad tau zoo, twm nom fwm tswv txhad tau teb tau chaw txoog.

Sib txhawb txhad muaj teb chaws, sib nqaa nplaj teb qaab ntuj txhad ntshaw. Sib tuav teg kom ruaj, nplaj teb qaab ntuj txhad qhuas.

Ntaaj ib naab neev ib hluas tawm tsaam tug yeeb ncuab txhad dlim txuj kev puam tsuaj.

Nyob sib hum xeeb txhad tau kev thaaj yeeb nyob sib puag qhov qwb kom ua ib khee txhad tau txais kev vaam meej.

Ua sab luj sab dlaav txhad tau teb chaws tuav; ua sab ncaaj sab nceeg txhad tau nom tau tswv ua.

Yog tshem tau Hmoob tug nywj kev npam tawm ntawm Hmoob lub sab, txhad tau lub neej zoo le lub nub tshaav ntuj nraag ab.

Yog tshem tau Hmoob tug nywj kev npam tawm ntawm Hmoob lub neej, txhad tau nyob kaaj sab lug le huv ntuj ceb tsheej.