KEV TWM ZEEJ PEEM TSI TSHEEJ

Ib tog ntoo xov tsi tau laaj kaab. Ib tug tuab neeg peem tsheej tsi tau ib lub neej. Ib tug nom tsaav tsi tau teb chaws.

Ib tug thawj yog tsi muaj phooj ywg dlaav, yuav tswj tsi tau ib thooj aav. Ib tug nom yog tsi yuav ntau lub tswv yim, yuav kaav tsi tau ib lub teb chaws. Pej xeem coob npaum nplooj los yog tsi thooj xeeb, yuav peem tsheej tsi tau ib haiv neeg.

Ntau yig nyob sib raug txhad ua tau ib zog. Ntau leej nyob sib hum txhad ua tau ib cuab. Ntau tog ntoo txhad xov tau laaj kaab ruaj.

Kev phooj ywg dlaav npaum le caag zoo npaum le ntawd. Ntoo ntau npaum le caag laaj kaab khov npaum le ntawd.

"Ua phooj ywg tau kev dlaav ua yeeb ncuab tau chaw ti."