Ntuj Tag Teb Tug

Ntuj tag teb tug, ua neej nyob kaaj sab lug.

Ib tug ntoo, nplooj dloog, kaav hlaav, paaj tawg, txiv txi, cev khov hab caag ruaj yog vim nwg tau txais zoo tshuaj cawm, tau nqug zoo dlej chiv, tau zoo cua laaj, muaj naag txaus ntub hab tau txais zoo dluab tshaav ntuj.

Ib haiv neeg muaj hwj chim, muaj yeej, nyob thaaj yeeb, muaj kev ywj pheej, vaam meej hab meej mom zoo yog vim haiv neeg coj lij choj, muaj kev ncaaj nceeg, hab nyob hum xeeb. Txawj sib zaam txim, sib hwm sib hawm, sib hlub sib paab, sib txhawb sib nqaa, ua ib txoog ib qais, xyoob ib txoog ntoo ib tsob, nqaj ib dlaig tawv ib phob, ntaaj ib naab neev ib hluas nyob le ib tse tuaj ib tog sib puag xub pwg ua hauj lwm le ib tug hab tsaav tswj le ib lub cev.