Lug Thoob Tsib Has Txug Nuj Nqes Ntawm Tug Cwj Pwm Kev Sib Tawg hab Kev Hum Xeeb

Kev sib tawg hab kev hum xeeb ob tug yaam ntxwv tsi sib thooj hab muaj nqes sib txawv.

Tug yaam ntxwv.
Tug cim rhu tawm (-) yog tug cwj pwm kev sib tawg.(negative)
Tug cim sib ntxiv (+) yog tug cwj pwm kev hum xeeb.(positive)

Tug nqe.
Muab ua ob theem ua xwb yeej pum qhov txawv lawm. Muab 100 faib rua ob tau 50(100/2=50). Pib ntawm 50 moog.

Kev sib tawg (-)         50 - 25 = 25
                               25 - 25 = 0
Kev hum xeeb (+)     50 + 25 = 75
                               75 + 25 = 100

Nwg to taub yooj yim kawg nkaus. Thaum peb pum txug txuj kev sib txawv ntawm ob tug cwj pwm lawm, peb le paub has tas kev sib tawg yog kev ua neej rov qaab; kev hum xeeb txhad yog kev ua neej moog tom ntej.

Peb ntseeg tas yog muab ob tug cwj pwm ntawd lug twv mas txhua leej txhua tug yuav tsum xaiv tug cwj pwm kev hum xeeb xwb vim nwg tug nqe yog 100 tab sis tug cwj pwm kev sib tawg yog 0. Yog muab piv ua feem tes tug cwj pwm kev sib tawg yog 0% xwb tab sis tug cwj pwm kev hum xeeb yog 100%.

Ua neej nyob tsi muaj leej twg xaav tau txuj kev plaag pluag kev puam tsuaj le tab sis yog vim tsi paub es muaj ib feem txhad raug poob rua huv txuj kev txom nyem. Yog koj hab kuv poob, nwg tsuas yog ib tam xwb tab sis yog haiv neeg poob tes taag moog ib txhis.

Leej twg los xaav kom tau lub neej vaam meej tab sis yog vim le caag peb Hmoob yuav ua neej nyob huv txuj kev puam tsuaj taag moog le. Qhov ntawd yog vim peb tsi paub txug tug nqe ntawm tug cwj pwm kev sib tawg hab tug cwj pwm kev hum xeeb xwb.

Yog peb txuj kev ntshaw muaj tseeb tag, peb yuav tsum tawm kom tau ntawm tug cwj pwm kev sib tawg moog nkaag rua tug cwj pwm kev hum xeeb es pib lub neej vaam meej taam sim nuav moog.

Thaum kawg, peb pawg tswj twm ntawm Koom Txoos Hmoob Hum Xeeb ca sab has tas peb Hmoob txhua tug yuav to taub txug peb tej lug thoob tsib ntawd zoo lawm.

Kev sib tawg yog kev puam tsuaj. Kev hum xeeb yog kev vaam meej.

Ua tsaug