Hmong International Unity Lub Hom Phaj
Kev Txhim Khu

Lub hom phaj:
1) Txhim khu kom Hmoob txuj kev hum xeeb vaam meej.

2) Txhim khu txhua yaam huv Hmoob lub neej kws pum has tas tsi zoo.

Kev txhim khu:
1) Tshawb nrhav qhov tseeb txug nuj nqes kev sib tawg hab kev hum xeeb.

2) Tshawb nrhav txug Hmoob lub neej mtsuag nrug kua muag hab poob teb poob chaw saib yog tim dlaab tsi.

3) Tshawb nrhav yaam tshab kws yuav ua rua Hmoob tau txais fwj chim kev muaj yeej nyob vaam meej, thaaj yeeb, ywj pheej, hab muaj meej mom.

4) Thaum tshawb tau lawm le muab ua ib txuj kev kawm lug qha kom Hmoob hloov tawm ntawm txuj kev ntsoj kev ntsuag moog nkaag rua txuj kev vaam meej, muaj yeej, thaaj yeeb, ywj pheej, hab lub meej mom.

Ua ntej Hmoob yuav tau txais kev muaj yeej nyob vaam meej, Hmoob yuav tsum hloov tug cwj pwm kev sib tawg pov tseg es lug coj tug cwj pwm kev hum xeeb kom Hmoob txuj kev hum xeeb vaam meej.

Yog koj xaav paub kom ntau tshaaj, koj nkaag moog saib Hmoob cov cwj pwm koj yuav pum qhov kev sib txawv ntawm txuj kev sib tawg hab kev hum xeeb.

Tsi taag le ntawd, koj nkaag moog twm cov paaj lug hab txhua hom ntawv peb muaj, koj yuav pum Hmoob tej kev coj noj coj ua kws ua rua Hmoob lub neej raug puam tsuaj.

Ntawm nuav, yog kuv qha txug cov hauv paug lug xwb, koj yuav tsum twm txhua yaam koj txhad pum tas HIU lub hom phaj hab nwg txuj kev txhim khu zoo le caag.

Txhua yaam los yog txua lu lug HIU muaj puav leej yog kev kawm taag nrho vim peb has yaam phem hab yaam zoo ua ke. Yog leej twg tau twm lawm, kawm kom tav hab hloov kom tau. Peb ca sab has tas yog peb Hmoob txhua tug coj tau le tug txheej txheem HIU teeb ntawd, peb lub neej yuav tawg paaj txi txiv xwb.